veikindajól....

Ekki lagast ástandið á heimilinu, Hrafnhildur enn með yfir 40 stiga hita og getur ekkert borðað. Systkinin gubbuðu í kó í sófann í gærkvöldi og þá fannst okkur vera komin tími til að þvo utan af honum. Hreini og fíni sófinn fékk svo gusu yfir sig í morgun eftir að Hrafnhildur reyndi að drekka mjólkurglas......

Ég er samt ekki alveg að skilja þessa hlaupabólu hjá Grími, ef þetta er þá hlaupabóla. Það er eiginlega engin breyting búin að vera frá því í fyrradag. Ég get talið alveg svona 30-40 bólur á kroppnum, en það er bara þessi gulgræni vökvi bara í nokkrum bólum, og hinar fara bara eiginlega minnakandi. Getur verið að hann sleppi sona vel eða er þetta kannski ekkert hlaupabóla???? Er eiginlega alveg lost, því eina viðmiðunin sem ég hef er Hrafnhildur sem leit út eins og holdsveikissjúklingur með meiru.....ég man samt alveg að það kom ekki vökvi í allar bólurnar hjá henni. Svo er hann eiginlega ekki með neinar í andlitinu, en þar var systir hans hins vegar verst.....

jólafrí.......

Jeiii búin í prófinu mínu og ég náði:)

Ég átti að halda 10 mínútna fyrrirlestur, sem gekk svona lala nema hvað....ég gleymdi að slökkva á gemsanum og hann auðvitað hringdi í miðjum fyrirlestri. Frekar leim, en allavega þá var það vöggustofan og Grímur orðin veikur, slappur og með hita. Hann kann að velja tímasteninguna þessi elska, (þá er ég ekki að meina í kaldhæðni) hann er bara eiginlega ekkert búinn að vera veikur síðan hann byrjaði á vöggustofunni í sumar og hann ákvað að verða veikur akkurat þegar mamman er búin í skólanum og hefur svo sem ekkert annað að gera en að vera heima og dekra við Grímsann sinn.
Ég sæki Grím á vöggustofuna og ég ákvað að taka bara Hrafnhildi með heim í leiðinni þrátt fyrir að það væri bara hádegi. Við erum ekki fyrr komin heim þegar Hrafnhildur fær illt í magan og situr meira og minna restina af deginum á klósettinu með þennan líka hressandi niðurgang......
Svo í gærkvöldi var snúllan með rúmlega 40 stiga hita og í dag sá ég Grímur er komin með hlaupabólu. Góður kokteill þar á ferð......vonandi að allir verði bara sæmilega hressir þegar við mætum til Íslands á miðvikudaginn:)

Jæja þá er ég búin í praktík og það styttist í jólafrí:):) 'a einungis eftir að fara í eitt munnlegt próf á miðvikudaginn.

Var að fara heim eftir síðasta daginn í gær og þegar ég er að fara þá finn ég ekki veskið mitt, með öllum kortum og öllu og meira að segja dankortinu hans Arnar Inga. 'eg hafði gleymt því í körfunni á hjólinu mínu um morguninn. Ég fór næstum, því að grenja þegar það var auðvitað þar ekki lengur og verst að öllu að þurfa að hringja í Örn og segja hvað hafði gerst....(hann verður alltaf svo pirraður þegar mér tekst að gera eitthvað svona) En svo ákvað ég að athuga í upplýsinga/skiptiborðið hvort einhver hefði verið heiðarlegur þann daginn og skilað inn lítilli rauðri tösku....og jújú hún fannst og allt á sínum stað:) Mikið var ég glöð og þá ákvað ég adrífa mig af stað í julehygge á leikskólanum hennar Hrafnhildar sem átti að byrja 10 mínútum seinna. Svo kem ég út og það er sprungið á hjólinu mínu.....aaarg not my day. En þetta hafðist, nema nú á ég sprungið hjól á ríkisspítalanum...

Í dag fór med Grím í sprautu í dag og vááá hvað hann varð reiður!! Og svo þegar sprauta nr. 2 kom, ég veit ekki hvert hann ætlaði, litli snúðurinn. Er svo frekar slappur núna, lá bara alveg linur í fanginu hjá mér í kvöld og vældi ef Hrafnhildur rakst örlítið í hann. Fyndið hvað börnin manns eru alltaf svo yndisleg þegar þau eru veik, þurfa eitthvað svo mikið á manni að halda.
Svo er eins gott að hann verði hress á morgun þar sem það er julefest á kollegíinu og Örn er búinn að fría sig frá því að mæta. Hann ætlar að vera þunnur og latur þar sem hann er á julefrokosti í vinnunni, hann hringdi áðan og Arnar var sofnaður fram á eitthvað borð.....alltaf hressleiki í julefrokostum:)

jóla hvað......

Nóg að gera eins og alltaf, er á fullu að skrifa verkefni sem ég á að skila á mánudaginn, en stefnan er að klára á morgun eða laugardaginn og reyna þá að jólast eitthvað á sunnudaginn með famelíunni.
Er nú samt betur fer nánast búin með jólagjafa kaup, var búin að mikla þetta svo svakalega fyrir mér en ákvað að skella mér á sunnudaginn út í Amagercenter, klukkutíma áður en við þurftum að leggja af stað á Skoppu og Skrítlu og sjá hvað ég gæti náð að kaupa. Ég kom heim með 14 jólagjafir takk fyrir.....á klukkutíma, geri aðrir betur, er meira að segja búin að kaupa handa Erni Inga....
En svo er næstum því farinn að labba, han tekur alveg 8-10 skref , en hann kemst miklu hraðar á að skríða ennþá. Markmiðið er að hann verði farinn að labba alveg þegar við koum til Íslands þann 26. des:)
Jæja ætla að halda áfram með verkefnið, svo ég verði nú einhvertímann búin......

tatararaaaaa..

Já það er einingis klukkutími í að við píurnar á kollegíinu ætlum að hittast hér úti með eins og einn öl við hönd eða svo. Svo verður skundað af stað í strætó í..........má ekki segja því Dóra má ekki vita hvert við ætlum að fara og svo verður farið út að borða á Spiseloppen og svo tjúttað fram á rauða nótt......jibbíí, en hvað er málið með veðrið sem við fáum alltaf þegar við ætlum að gera okkur glaðan dag......