Í gærkvöldi fórum við í mat til Vigdísar og Eika, þar var boðið upp á alíslenskt kjöt í karrý:) Mjööög gott og takk fyrir mig.

Svo var spilað smá risk, og upp úr miðnætti fórum við heim. Hrafnhildur hafði bara sofnað hjá þeim og var svo sett í kerruna þegar við fórum heim.....finnst samt alltaf jafn skrýtið þegar maður er að þvælast með barnavagn hérna í Kaupmannahöfn eftir miðnætti, í lest og svo strætó, en það þykir bara nokkuð eðlilegt þar sem maður ferðast nú ekki um á bíl. Sé okkur í anda að þvælast um í miðborg Reykjavíkur með barnavagn eftir miðnætti, held að bæði barnavernd og jafnvel lögreglan myndu nú fá eins og nokkur símtöl.....